أكثر شئ عجبني أنك جدا مرن أي شئ في موضوع الأكل تغيرلي اياه التمارين تعطيني بديل كل شئ ممتاز صراحة وانا الحمدلله مستمر في الإلتزام والتمارين وان شاء الله معك رح اوصل للي بغاه

مساء الخير كوتش بشرنا عنك , انا عارفه مالي الا اسبوع معك في الاشتراك لكن من لا يشكر الناس لا يشكر الله , شكرا الله يسعدك باسبوع حسيت الفرق مو بس بالجسم لا بنفسيتي بعد الله يعطيك ويرضيك يارب

التجربة كانت ممتازة جداً وفوق مستوى التوقعات صراحه , متجاوب ومنتبه للمتابعة ما اقول الا الله يبارك لك في رزقك ويبارك لك فيه لانك صراحة جالس تحلل كل مبلغ اندفع مقابل هالخدمة

نعم ابجدد معك مرة ومرتين وثلاث والسبب اني شفت تطور وتغير خلال اقل من شهر + جالس استفيد صراحه بالتمارين والنظام الغذائي وجالس اتثقف صراحه بعيداً عن التغير اللي جالس اشوفه

والله من ناحية الفرق من اول ما بدينا فرق كبير 1- من ناحية النشافة بديت اشوف اننا قربنا لنشافة اشوفها مرضية 2- الجانب النفسي طبعاً افضل بما اني اقتربت للهدف واشوف النتايج 3- جانب القوة ولله الحمد هنا اكبر فرق صرت اشيل اوزان ماكنت اشيلها خلال فترة التضخيم وانا حاليا ماشي على لو كارب ف جداً مستمتع وراضي ب الاداء الحمدلله

شاكر جداً شغلك الإحترافي والله اني كل ماشفت احد كلمته عن تجربتي الممتازه معك لان ودي يستفيدون زي ما انا استفيد صراحة

الفضل بعد الله لك والله , ما أتذكر أي فترة في حياتي كنت متحمس للصحه والرياضه زي الحين , ومتابعتك وتوجيهك تخفف علي كثير وتخليني اركز إني اروح اطحن وبس ما أفكر في شي ثاني وهذا اللي انا أدور عليه من زمان

نعم السبب هو المتابعة الدقيقة والرد على جميع الاستفسارات بسرعة ونوعية methodology المتبعة ارتحت معها وصراحة تفاجئت كنت متوقع يكون فيه تأخير او تسليك خفيف بحكم ماشاء الله كمية المتدربين و الانشغال , لكن بالعكس لقيتك احرص من نفسي علي.

حرصك علي ممكن اكثر مني وإخلاصك فاللي انت تقدمه وجالس تقدمه لله ثم لنا فالتطور والفايده جالس تحاول تعطيني كل شئ وترد مع الضغط اللي عندك والمشاغل اللي انت فيها لكن ما نسيت حقي ك مشترك عندك واعطيتني اللي احتاجه وزيادة

تجربتي معك ممتعة جداً ومبسوط وجالس انصح اي احد والله انه يكون معاك او حتى يسمع لك لاني اشوفك بصراحه قدوة وصاحب معرفه في هذا المجال وشكرا لك حقيقي

طريقة الجدول وتقديم الخدمة وردك وصبرك علينا ك مشتركين . شكرا حقيقي لك واكن لك كل التقدير والاحترام ( انت خير مثال وقدوه لاي مدرب او متدرب وما اقولها لك مجاملة والله لا شئ من حقك)

الحمدلله لي معك تقريبا سنة واكثر , وتطورت بشكل كبير عن قبل , سواء من ناحية (الشكل او التفكير) , صرت أعرف وش أكل ومتى أوقف, وتحفيزك المستمر لي فرق كثير , صحيح عندي أحطاء , لكن ماشاء الله عليك , دايم تدعمني وتفهم ظروفي وتقدرها

حلو مره الجدول توني أنتبه لأن صرت أنسى أوزاني وبالجوال سلس ياخي أنت إسطوري

يعطيك العافية يابومحمد والله انك كفوو وبيض الله وجهك على اهتمامك وحرصك وهذا يدل انك تحب الشغل وتخاف الله فيه الله يرزقك اضعاف مضاعفه ياشيخ

متحمس جدا نرجع نشتغل مع بعض اول ما تزين الامور لان الصدق ماقد شفت تطور كذا وانا اتمرن من زمان

الله يصبحك بالنور والسرور , الله يعافيك ياربي لك الحمد والف شكر على رحابة صدرك وتقديم المعلومة بأبسط طريقة , والله جداً مبسوط بشكل ما تتخيل لما اشوف النتايج والتغيرات كل فترة وزي ما قلت كل فترة تبان تفاصيل أكثر , وفعلاً قاعد أزيد بالاوزان اذا قدرت

الحمدلله كل من شافني ما يدري اني مسوي تكميم الحمدلله أحاول اتعلم منك وتحفيزك اليومي بسناب وهنا توجيهاتك وصبرك علينا , شكرا شكرا

الله يجزاك خير كابتن , حاس بالتغيير ومبسوط وان شاء الله قدام افضل و افضل

للامانة في تطور مو بسيط فرق كنت راعي نادي لي فتره بس ما قد للامانه تطورت زي كدا

يعطيك العافية يا كابتن والله الجدول جدا فرق معايه اول مره انزل زي كذا والالتزام كان 100% الحمدلله

يعني والله كانت تجيني فترات في وقت التنشيف اقول وش الله خادني وودي اكل وووو.... لكن لما يجي نهاية الاسبوع واشوف التطور اقول الحمدلله اللي ربي عطاني الالتزام والاستمرارية والطموح في النادي بتوجيهاتك وحتى حياتي العملية, ووالله ما اقول الكلام هذا علشان انتظر رد منك بس شي في خاطري والف شكر لحرصك دائماً

فيه شغلة تساءلت عنها بالنسبة للأوزان لاحظت الاشهر الاخيرة صرت ماشاء الله اشيل اوزان ما كنت اشيلها حتى في التضخيم ف مادري وش سويت فيني من خير , لعله بعض التشيجع والأهم هو تصميم الجدول اعتقد هو العامل المؤثر

والله شغاااااال التمرين قوي واللبس قاعد يضيق فعلا

ايه والله الحمدلله اسبوع ورا اسبوع وقاعد اشوف نتائج وبإذن الله الجاي أفضل وفعلاً مستمتع يالرحلة